IELTS என்பது வழமையான சாதாரண ஆங்கிலப்பரீட்சை அல்ல என்பதை அதை எடுக்க முன்வரும் மாணவர்கள் அறிந்து கொள்ள வேண்டும். இலங்கை முழுவதும் பல்லாயிரக்கணக்கான அப்பாவி மாணவர்கள் இந்தப் பரீட்சை பற்றி முறையாக அறியாது - தம் தகுதிகளை அதிகரிக்காது அநியாயமாக முறையற்ற வழிகாட்டலிற்கும் பரீட்சைக்கும் பெருந்தொகையான பணத்தை இழந்து வருகிறார்கள். பணம் மட்டுமன்றி கற்றலுக்காக அவர்கள் இழந்த நேரமும் அநியாயமே.
(Want to take IELTS ? visit this link : http://edu.kugroup.info/ielts.html )
(Want to take IELTS ? visit this link : http://edu.kugroup.info/ielts.html )
இந்தப்பரீட்சை எடுக்க வேண்டிய நிலையில் இருக்கும் புதியவர்களுக்காக இந்த கட்டுரை வரையப்பட்டுள்ளது. இதை முழுமையாக வாசிப்பதன் மூலம் - உங்கள் உறுதியான வெற்றிக்கான வழிகளைத் திட்டமிடவும் இந்தப்பரீட்சைக்குரிய தகுதிகளை அதிகரித்துக்கொள்ளவும் முடியும். தேவையற்ற பண ,நேர இழப்புக்களையும் தவிர்க்கலாம்.
IELTS - என்ற சொல்லை விளம்பரப்பலகைகளில் கண்டுவிட்டு ஆங்கிலம் சிறப்பான நிலையில் இல்லாதவர்கள் - அல்லது ஆரம்ப நிலையிலுள்ளவர்கள் அந்த பயிற்சி நெறியில் சேர முடிவெடுக்க முடியாது. ஏனெனில் IELTS என்பது ஒரு ஆங்கிலக் கல்வி நெறி அல்ல. - ”சர்வதேச ஆங்கில மொழி பரீட்சை முறைமை” என்பதே IELTS என்பதன் விரிவாக்கம்(International English Language Testing System )
